શ્રી ગુફાવાળા હનુમાનજી મંદિર

         આણંદ નગરમાં આઝાદ મેદાન વિસ્તારમાં ગોયા તળાવ પાસે શ્રી ગુફાવાળા હનુમાનજીનું મંદિર આવેલું છે. અયોધ્યાથી રામકુમાર સ્વામી (અખાડાવાળા) સંઘ લઇ આ જગ્યા પર પધાર્યા હતા. 10x10 ઊંડી ગુફા બનાવી. તેમાં હનુમાનજીની મૂર્તિની સ્થાપના કરી તપ કર્યું હતું. 1974માં સ્થપાયેલ આ મંદિરમાં પ્રતિષ્ઠા કરેલ મૂ���્તિ સ્વ. ચીમનભાઇ રણછોડભાઇ રાજા તરફથી અર્પણ કરેલ છે.

“ૐ નમો હનુમંતેય ભય ભંજનાય સુખં કુરૂ ફટ્ સ્વાહા”

          એ મંદિરનો મુખ્ય મંત્ર ગણાય છે. પ્રિયાંકભાઇ વ્યાસ મંદિરના પુજારી તરીકે સેવા આપે છે. હનુમાન જયંતિ, શિવરાત્રી, કાળી ચૌદશ અને અનુષ્ઠાન યજ્ઞો જેવા પવિત્ર ઉત્સવો ઉજવવામાં આવે છે.